“Liverpul” Xolandni xarid qiladimi? Klopp javob berdi

“Brussiya Dortmund”ning norvegiyalik hujumchisi Erling Xoland futbol bozoridagi eng talabgirlardan hisoblanadi. Ammo Xolandning keyingi manzili “Liverpul” bo‘lmaydi. Bu haqda “qizillar” bosh murabbiyi Yurgen Kloppning so‘zlariga tayanib, “Goal” nashri xabar berdi.

Yurgen Kloppning aytishicha, "Liverpul"da Dortmundning “Borussiya”sidan Erling Xolandni sotib olishga hech qanday imkoniyat yo‘q.

Klopp aniqlik kiritdiki, norvegiyalik hujumchining xarid narxi 350 million yevroga (292 million funt sterling/381 million dollar) tushishi mumkin.

“Biz “Borussiya Dortmund”dan Erling Xolandni sotib olish variantini ko‘rib chiqmaymiz. Chunki Xolandning transferi uchun ketadigan mablag‘ aqldan ozdiradigan darajada katta. Ya’ni, taxminan 350 million yevro. Bizning Xolandni sotib olishga hech qanday aloqamiz bo‘lmaydi. Bizda bunga nimkoniyat yo‘q! To‘g‘risini aytsam, men buni qilishni xohlamayman. Bu variant men uchun qiziqarli emas”, degan Yurgen Klopp. 

Ma’lumot o‘rnida, Norvegiyalik futbolchi joriy mavsumda “Borussiya” safida 23 ta o‘yinda 23 ta gol urdi va 5 ta golli uzatmani amalga oshirdi. “Transfermarkt” portali Erling Xolandni 150 million yevroga baholamoqda.

Ma’ruf Abdumalikov