Kuchli raqibiga yutqazgan Abdusattorov bugun hindistonlik shaxmatchiga qarshi dona suradi
Sport
−
19 fevral 2023 8590
Germaniyaning Dyusseldorf shahrida o‘tkazilayotgan nufuzli “WR Chess Masters” turnirining 3-tur o‘yinlari o‘tkazildi. Bu turda o‘zbekistonlik grossmeyster Nodirbek Abdusattorov amerikalik tajribali shaxmatchi Levon Aronyanga qarshi dona surdi.
Qora donalarda harakat qilgan Nodirbek yakunda raqibiga imkoniyatni boy berdi va musobaqa jadvalida 5-o‘ringa tushib ketdi. Nodirbekdan ustun kelgan Aronyan esa turnir jadvalida yetakchilikni qo‘liga oldi.
Turnirda umumiy hisobda 9 ta tur o‘tkaziladi. Jadvalda Aronyandan tashqari yana bir amerikalik shaxmat ustasi Uesley So, hindistonlik Gukesh Domardju va Niderlandiya vakili Anish Giri Nodirbekni ortda qoldirmoqda.
Nodirbek Abdusattorov bugun, 19 fevral kuni 4-turda hindistonlik Praggnanandhga qarshi oq donalarda o‘ynaydi. Bahs Toshkent vaqti bilan soat 18:15 da boshlanadi.
Live
Barchasi