Kilian Mbappe kelasi hafta “Real Madrid” bilan shartnoma imzolaydi

Fransiyaning PSJ futbol klubi hujumchisi Kilian Mbappe kelasi hafta o‘rtalarida Ispaniyaning “Real Madrid” jamoasi bilan shartnoma imzolaydi. So‘nggi kunlarda muzokaralar shiddati oshdi va hamma narsa tomonlar 18 martgacha barcha tafsilotlarni kelishib olishlarini ko‘rsatmoqda. Bu haqda “Marca” xabar berdi.

Rasman Mbappening transferi mavsum oxirida e’lon qilinadi. Hujumchi shartnoma imzolaganligi uchun "los balankos"dan 60-80 million yevro miqdorida bonus oladi. Taxminlarga ko‘ra, Kilianning maoshi kelishuv bo‘yicha yiliga 25 million yevroni tashkil qiladi.

Eslatib o‘tamiz, Mbappe va PSJ o‘rtasidagi amaldagi kelishuv joriy yining 30 iyunida yakuniga yetadi. Shundan keyin, u "Real"ga erkin agent sifatida o‘tadi. 23 yoshli futbolchi joriy mavsumda PSJ safida barcha turnirlar doirasida 35 ta o‘yinda maydonga tushib, 25 ta gol urdi va 14 ta golli uzatmani amalga oshirdi.

Ma’ruf Abdumalikov