Xutiylar Saudiya Arabistonidagi neft inshootlariga hujum qildi

Olam

−

08 mart 2021 visibility8769

Saudiya Arabistonidagi bir necha neft inshootlari xutiy isyonchilar tomonidan hujumga uchradi. “Bloomberg” bu haqda mamlakat Energetika vazirligiga asoslanib xabar bermoqda.

Dengizdan qilingan hujum Fors ko‘rfazi sohilidagi Ras-Tannura portidagi eksport terminalida neftni saqlash uchun maxsus idishga yo‘naltirilgan . Bu dunyodagi eng himoyalangan neft inshooti hisoblanadi.

Saudiya Arabistoni Energetika vazirligining ma’lumotlariga ko‘ra, terminalga uchuvchisiz havo vositalari hujum qilgan. Bundan tashqari, “Saudi Aramco” milliy neft kompaniyasi xodimlari yashaydigan turar-joy majmuasi yaqiniga raketaning bir qismi qulab tushgan.

Vazirlik vakilining aytishicha, ikkala hujum oqibatida ham hech kim jabr ko‘rmagan va mamlakatning neft infratuzilmasiga hech qanday zarar yetkazilmagan.

Maqola muallifi