Xususiy bog‘cha uchun olingan kreditlarning imtiyozli davri uzaytirildi
Jamiyat
−
28 Sentabr 2023
3910Xususiy bog‘cha uchun olingan kreditlarning imtiyozli davri uzaytirildi. Bu haqda Maktabgacha ta’lim agentligi ma’lum qildi.
“Prezident Shavkat Mirziyoyevning 2023 yil, 27 sentyabrdagi 316-sonli qaroriga asosan 2018-2022 yillarda davlat-xususiy sheriklik(DXSH) asosida nodavlat maktabgacha ta’lim tashkilotlarini tashkil etish uchun tuzilgan bitimlarga muvofiq ajratilgan imtiyozli kreditlar bo‘yicha imtiyozli davr muddati 2024 yil 1 oktyabrgacha uzaytirildi”, deyiladi xabarda.
Unga ko‘ra:
- imtiyozli davr davomida tadbirkorlik sub’ektlari tomonidan kredit bo‘yicha faqat foiz to‘lovlari amalga oshiriladi;
- imtiyozli davrda to‘lanishi lozim bo‘lgan asosiy qarz bo‘yicha to‘lovlar kredit davrining qolgan qismiga teng miqdorda taqsimlanadi.
Shuningdek, Davlat-xususiy sheriklik asosidagi nodavlat maktabgacha ta’lim tashkilotlarini tashkil etish uchun imtiyozli kreditlar loyiha tashabbuskorlariga quyidagi tabaqalashtirilgan foiz stavkalarida va shartlarda ajratiladi:
- Toshkent shahrida – 10 yil muddatga, shu jumladan 2 yillik imtiyozli davr bilan yillik 12 foiz stavka bo‘yicha;
- Nukus shahri, viloyatlar markazlari va viloyatga bo‘ysunuvchi shaharlarda – 10 yil muddatga, shu jumladan 2 yillik imtiyozli davr bilan yillik 8 foiz stavka bo‘yicha;
- tumanlarda – 10 yil muddatga, shu jumladan 2 yillik imtiyozli davr bilan yillik 5 foiz stavka bo‘yicha.
Eslatib o‘tamiz, avvalroq O‘zbekistonda vatan himoyasi va tinchligi yo‘lida yaralangan yoki halok bo‘lgan xodimlarning farzandlari bog‘cha to‘lovidan ozod qilinishi haqida xabar bergan edik.
Mashhura Imomova
LiveBarchasi