Xolifild Fyuri va Usikni solishtirdi

Bir paytlar boks duyoning eng tomoshabop sporti hisoblanardi. Muhammad Ali, Mayk Tayson, Evander Xolifild, Leniks Lyuis va boshqa nomdor charm qo‘lqop ustalari butun dunyo bo‘ylab “shovqin” ko‘tarib ketdi. Biroq zamonaviy boks yuduzlarga boyligi bilan maqtanolmaydi. Butun dunyo kutadigan janglar kam. Shuningdek, muxlislar katta shoularning o‘tkzilishini yillab kutmoqda.

Hozirgi kunda odamlar  britaniyalik Tayson Fyuri va ukrainalik Aleksandr Usik o‘rtasida o‘tkazilishi mumkin bo‘lgan jang haqida gapirishmoqda. Ammo ushbu jang qachon bo‘lishi hanuz noma’lumligicha qolmoqda. Aslida bunday janglar tezroq tashkil qilinsa, boksning rivoji uchun foydali bo‘ladi.

Boks afsonasi Evander Xolifildning aytishicha, agarda ushbu jang o‘tkazilsa Usikning gavda tuzilishi jihatdan Taysonga nisbatan kichkinaligi muammo tug‘dirmaydi. Chunki Fyuri kuchli zarbaga ega emas. Qolaversa, Aleksandr Usik Taysonga qaraganda ancha tezkor hisoblanadi.

“Men aniq biladigan narsa shundaki, ko‘pchilik kichik bolalar har doim kattalardan yaxshiroq. Gavda jihatidan imkoniyati kamroq jangchilar oyoqlarida ancha yaxshi harakat qilishadi. Bir paytlar men ko‘pchilik raqiblardan ancha kichikroq edim. Shuning uchun ularga zarba berish va tezroq bo‘lishda muammoga uchramasdim. O‘ylaymanki, Usik Fyuriga muammolar tug‘diradi. Tayson o‘zini kattaroq bokschi degan fikrdan xalos bo‘lishi kerak. Chunki hamma biladiki, kichikroq bokschilar ancha yaxshi jang qiladi. Ular yaxshi tayyorgarlikka ega va tezroq zarba yo‘llashadi.Yirik bokschilar gavda jihatidan kamtar yigitlarni nokautga uchratib qo‘yishi mumkin. Agar ular sizni zarba bilan tutishsa, juda ko‘p zarar yetkazadi. Ammo Fyuri Usikni silkitoladimi? Albatta, yo‘q. Chunki Fyuri kuchli zarbaga ega emas va Usikdan tezroq bo‘la olmaydi”, degan Xolifild “BoxingScyenye” nashriga bergan intervyusida.

Ma’lumot o‘rnida, Tayson Fyuri superog‘ir vazn toifasida WBC yo‘nalishi chempioni hisoblansa, Aleksandr Usik  WBA, WBO, IBF, IBO kamarlari sohibi hisoblanadi. Ushbu jang tashkil qilinsa, g‘olib mutloq jahon chempioniga aylanadi. Ya’ni, super og‘ir vaznda mavjud barcha kamarlarni o‘zida birlashtiradi.

Ma’ruf Abdumalikov