Xerson RFga qay tartibda qo‘shib olinishi aytildi

Olam 10680
image
-

Ukrainaning Rossiya tomonidan bosib olingan Xerson viloyatining RFga qo‘shilishi uchun referendum o‘tkazilishi mumkin. Keyinchalik qonun chiqaruvchi hokimiyatni shakllantirish uchun saylovlar o‘tkazishga imkoniyat paydo bo‘ladi. Bu haqda bugun, 7 iyun kuni Yaltada bo‘lib o‘tgan “Buyuk rus so‘zi” XV xalqaro festivali doirasida Xerson viloyati harbiy-fuqarolik ma’muriyati rahbarining o‘rinbosari Kirill Stremousov jurnalistlarga ma’lum qildi.

“Menimcha, bu Xerson hududida o‘z taqdirini o‘zi belgilashi uchun referendum bo‘ladi va keyingi bosqichda to‘g‘ridan-to‘g‘ri ozod qilingan Xersonda o‘tkaziladigan saylovlar bo‘ladi. Bundan keyin esa biz qonuniy ishlashni boshlaymiz. Bizning qonun chiqaruvchi hokimiyatimiz shunchaki saylovchilarini, aholisini tark etdi. Va bu butun hikoyadagi eng yomon narsa shundaki, biz qonun chiqaruvchi hokimiyatsiz qoldik, shuning uchun jamoatchilik kengashini tuzdik”, deydi Stremousov.

Uning so‘zlariga ko‘ra, siyosiy elitani jamoatchilik manfaatlarini himoya qilishga qaratilishi uchun sifat jihatidan o‘zgartirish rejalashtirilgan. Referendumni o‘tkazish muddatlariga kelganda, u bungacha amalga oshirilishi kerak bo‘lgan katta hajmdagi ishlar borligini aytgan.

“Ko‘p prognozlar mavjud, biz buni noto‘g‘ri qilishni xohlamaymiz, Xerson viloyati aholisining fikrini hisobga olishni istaymiz, buning uchun juda qattiq ishlash kerak. Odamlar yaxshi, yorqin narsalar foydasiga o‘z tanlovini amalga oshirish uchun juda ko‘p ish bor. Asosiy vazifa nafaqat to‘g‘ri qog‘ozlarni olish emas, balki haqiqiy oila, madaniyat ustuvor bo‘lgan hayotga to‘g‘ri munosabatni qaytarishdir”, deydi Stremousov.

Oynisaxon Abdullayeva

.
Maqolaga baho bering
Baholaganlar: 252
Reyting: 3.1
t
×