Qoraqalpog‘iston IIV rahbari va uch viloyat IIB boshliqlariga o‘rinbosarlar tayinlandi

O‘zbekiston Respublikasi Ichki ishlar vaziri Po‘lat Razzaqovich Bobojonov buyrug‘i bilan shaxsiy tarkib bo‘yicha lavozim tayinlovlari amalga oshirildi. Bu haqda IIV Matbuot xizmati ma’lum qildi.

Buyruqqa ko‘ra, O‘zbekiston Respublikasi IIV Akademiyasi magistratura bitiruvchisi (1-daraja) podpolkovnik G‘ulomjon Sultonboyevich Eshimbetov Qoraqalpog‘iston Respublikasi Ichki ishlar vazirining o‘rinbosari – Ma’naviy-ma’rifiy ishlar va kadrlar bilan ta’minlash xizmati boshlig‘i lavozimiga tayinlandi.

O‘zbekiston Respublikasi IIV Akademiyasi magistratura bitiruvchisi (1-daraja) podpolkovnik Qahramon Xotam o‘g‘li Shermatov Sirdaryo viloyati IIB boshlig‘ining o‘rinbosari – Ma’naviy-ma’rifiy ishlar va kadrlar bilan ta’minlash xizmati boshlig‘i lavozimiga tayinlandi.

Podpolkovnik Sherzod Fayzullayevich Shodiyev Surxondaryo viloyati IIB boshlig‘ining o‘rinbosari – Ma’naviy-ma’rifiy va kadrlar bilan ta’minlash xizmati boshlig‘i lavozimiga tayinlandi.

Tayinlovga qadar Sherzod Shodiyev Surxondaryo viloyati IIB boshlig‘i o‘rinbosari – Xavfsiz turizmni ta’minlash boshqarmasi boshlig‘i lavozimida xizmat qilgan.

Podpolkovnik Bahrom Mahamadovich Xidirov Surxondaryo viloyati IIB boshlig‘ining o‘rinbosari – Xavfsiz turizmni ta’minlash boshqarmasi boshlig‘i lavozimiga tayinlandi.

Tayinlovga qadar Bahrom Xidirov Surxondaryo viloyati IIB boshlig‘ining o‘rinbosari – Jamoat xavfsizligi xizmati boshlig‘i lavozimida xizmat qilgan.

O‘zbekiston Respublikasi IIV Akademiyasi magistratura bitiruvchisi (1-daraja) podpolkovnik Murod Mamarajabovich Boltayev Surxondaryo viloyati IIB boshlig‘i o‘rinbosari – Jamoat xavfsizligi xizmati boshlig‘i lavozimiga tayinlandi.

O‘zbekiston Respublikasi IIV Akademiyasi magistratura bitiruvchisi (1-daraja) podpolkovnik Akbar Ikromovich Yusupov Farg‘ona viloyati IIB boshlig‘i o‘rinbosari – Ma’naviy-ma’rifiy ishlar va kadrlar bilan ta’minlash xizmati boshlig‘i lavozimiga tayinlandi.

Oysha Turg‘unpo‘latova