Qaysi viloyatda “svet” eng ko‘p o‘chayotgani ma’lum bo‘ldi

Jamiyat

image

O‘zbekiston Respublikasi Prezidenti Shavkat Mirziyoyev raisligida qish mavsumiga tayyorgarlikda yo‘l qo‘yilgan kamchiliklarni hal etish hamda oziq-ovqat xavfsizligini ta’minlash bo‘yicha videoselektor yig‘ilishi o‘tkazilmoqda. Yig‘ilishda O‘zbekistonning qaysi hududida elektr energiyasidan eng ko‘p uzilishlar bo‘layotgani ma’lum qilindi. Bu haqda O‘zA  xabar bermoqda.

Unga ko‘ra, Respublikada eng ko‘p uzilish Surxondaryo viloyatida kuzatilmoqda. Hudduda bir kunda 7 soatgacha elektr energiyasi berilmayapti.

Yig‘ilishda ta’kidlanganidek, elektr energiyasi bo‘yicha eng ko‘p tanqislik Samarqandda sutkasiga – 1,6 million kilovatt-soat, Andijon, Farg‘ona va Qashqadaryoda – 1,5 million kilovatt-soatdan, Namanganda – 1,3 million kilovatt-soatni tashkil etgan.

Eng ko‘p uzilishlar Surxondaryoda – 7 soatgacha, Qashqadaryoda – 6 soatgacha, Farg‘ona va Andijonda – 5 soatgacha, Samarqandda – 3 soatgacha, Buxoroda – 2 soatgacha kuzatilgan. Ushbu uzilishlarga asosan iqtisodiyot tarmoqlari va aholining elektr energiyasiga talabi kundan-kunga oshib borishi, shuningdek, taqsimlovchi tarmoqlarning 60 foizi eskirgani sabab bo‘layotgani qayd etilgan.


Maqola muallifi

Teglar

Baholaganlar

2260

Reyting

3

Maqolaga baho bering

Doʻstlaringiz bilan ulashing