Qaysi soha xodimlari eng ko‘p maosh olishi ma’lum bo‘ldi

Jamiyat

−

30 Oktabr 2022 visibility52990

2022 yil yanvar-sentyabr oylarida O‘zbekistondagi o‘rtacha oylik ish haqi 3,72 mln so‘mni tashkil etdi. Bu haqda Davlat statistika qo‘mitasi xabar berdi.

Qayd etilishicha, 2022 yil yanvar-sentyabr oylarida iqtisodiy faoliyat turlari bo‘yicha o‘rtacha oylik ish haqining eng baland ko‘rsatkichlari bank, sug‘urta, lizing, kredit sohalariga to‘g‘ri kelgan. Mazkur sohalardagi o‘rtacha oylik ish haqqi 9,73 mln so‘mi tashkil etgan.

Keyingi o‘rinlarda esa axborot va aloqa sohasi (6,97 mln so‘m), shuningdek, tashish, saqlash sohasi (4,85 mln so‘m) va sanoat sohasi (4,70 mln so‘m) qayd etilgan.

Eng quyi pog‘onalarni esa ta’lim va sog‘liqni saqlash xizmatlari egallagan. Ta’lim sohasidagi o‘rtacha oylik miqdori 2,59 mln so‘mni tashkil etgan bo‘lsa, sog‘liqni saqlash va ijtimoy xizmatlar sohasida xodimlar 2,51 mln so‘m maosh oladi.

Maqola muallifi