Iyulning ikkinchi haftasi qanday ob-havo bilan boshlanadi?

Keyingi hafta qanday ob-havo bilan boshlanishi sinoptiklar tomonidan ma’lum qilindi. Bu haqda O‘zgidromet xabar berdi.

Qoraqalpog‘iston Respublikasi va Xorazm viloyatida havo biroz bulutli bo‘ladi, vaqti-vaqti bilan o‘zgarib turadi, yog‘ingarchilik kutilmaydi. Shamol sharqdan 7-12 m/s tezlikda esadi, 10 iyulda ba’zi joylarda 13-18 m/s gacha kuchayishi, ayrim joylarda chang-to‘zon bilan kuzatilishi mumkin. Harorat kechasi 20-25 daraja iliq, kunduzi 10 iyulda 35-40 daraja issiq, 11-12 iyulda 37-42 darajada issiq bo‘ladi.

Buxoro, Navoiy viloyatlarida havo biroz bulutli bo‘ladi, vaqti-vaqti bilan o‘zgarib turadi, yog‘ingarchilik kutilmaydi. Shamol sharqdan 7-12 m/s tezlikda esadi, 10 iyulda ba’zi joylarda 13-18 m/s gacha kuchayishi, ayrim joylarda chang-to‘zon bilan kuzatilishi mumkin. Harorat kechasi 25-30 daraja iliq, kunduzi 10 iyulda 38-43 daraja issiq, 11-12 iyulda 40-45 darajada issiq bo‘ladi.

Toshkent, Samarqand, Jizzax hamda Sirdaryo viloyatlarida havo biroz bulutli bo‘ladi, vaqti-vaqti bilan o‘zgarib turadi, yog‘ingarchilik kutilmaydi. Shamol sharqdan 7-12 m/s tezlikda esadi. Harorat 10 iyulda kechasi 20-25 daraja iliq, kunduzi 35-40 daraja issiq, 11-12 iyulda kechasi 22-27 daraja iliq, kunduzi 37-42 darajada issiq bo‘ladi.

Qashqadaryo va Surxondaryo viloyatlarida havo biroz bulutli bo‘ladi, vaqti-vaqti bilan o‘zgarib turadi, yog‘ingarchilik kutilmaydi. Shamol sharqdan 7-12 m/s tezlikda esadi. Harorat kechasi 24-29 daraja iliq, kunduzi 10 iyulda 38-43 daraja issiq, 11-12 iyulda 40-45 darajada issiq bo‘ladi.

Andijon, Namangan va Farg‘ona viloyatlarida havo biroz bulutli bo‘ladi, vaqti-vaqti bilan o‘zgarib turadi, yog‘ingarchilik kutilmaydi. Shamol sharqdan 5-10 m/s tezlikda esadi. Harorat kechasi 20-25 daraja iliq, kunduzi 10 iyulda 33-38 daraja issiq, 11 iyulda 35-40 daraja issiq, 12 iyulda esa 37-42 darajada issiq bo‘ladi.

Respublikaning tog‘ oldi va tog‘li hududlarida havo biroz bulutli bo‘ladi, vaqti-vaqti bilan o‘zgarib turadi, 10 iyulda ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin. 11-12 iyulda yog‘ingarchilik kutilmaydi. Shamol sharqdan 7-12 m/s tezlikda esadi, momaqaldiroq paytida 13-18 m/s gacha kuchayishi mumkin. Harorat 10 iyul kechasi 12-17 daraja iliq, kunduzi 23-28 daraja iliq, 11-12 iyulda kechasi 17-22 daraja iliq, kunduzi esa 25-30 darajada iliq bo‘ladi.