Italiyada mafiya iqtisodiyotga yordam berishni boshladi

Keng miqyosli iqtisodiy inqirozga olib kelgan koronavirus pandemiyasi o‘rtasida Italiyada mahalliy mafiya tuzilmalari kichik va o‘rta biznesga moliyaviy yordam ko‘rsatishni boshladi. Bu haqda Mafiyaga qarshi tergov boshqarmasining muntazam hisobotida aytilgan.

Biroq, mualliflarning ta’kidlashlaricha, gap altruizm haqida emas. Shunday qilib, jinoyatchilar ijtimoiy nafaqa oluvchilarni kelajakda pul yuvish maqsadida ishlatish uchun ularni o‘zlarining nazorati ostiga olishga urinmoqda. Jinoyatchilar birinchi navbatda qo‘llab-quvvatlashni taklif qiladi va biznes egasi bunga rozi bo‘lganda, ular qo‘rqitishning an’anaviy usullariga o‘tadi.

Tadqiqot o‘tgan yilning yanvaridan iyungacha bo‘lgan davrni o‘z ichiga oladi. Odatda yiliga ikki marta nashr etiladigan ushbu hisobot pandemiya boshlanganidan beri birinchisi hisoblanadi. Unda an’anaviy ravishda uchta asosiy guruh “Ndrangeta” (Italiyada eng nufuzli), “Koza Nostra” va “Kamorra”ga e’tibor qaratiladi.

Materialda mafiya karantin tufayli jiddiy yo‘qotishlarga uchraganligi qayd etilgan. O‘g‘irlangan narsalarni sotib olish va sotish zarar ko‘rgan, soxta mahsulotlarni yetkazib berish yomonlashgan va talonchiliklar kamroq bo‘lgan. Shu sababli, jinoiy tuzilmalar daromad olishning yangi usullarini izlamoqda.