Iroda To‘laganova yana bir nufuzli lavozimga saylandi
Sport
−
27 yanvar 2020 8595
O‘zbekiston tennis federatsiyasining Bosh kotibi Iroda To‘laganova yana bir nufuzli lavozimga saylandi. O‘zbekiston Milliy Olimpiya qo‘mitasidan xabar qilishlaricha, To‘laganova bugun, 27 yanvar kuni Osiyo tennis federatsiyasining (OTF) vitse-prezidenti deb e’lon qilingan.
To‘laganova o‘tgan yilning 1 dekabr kuni Hindistonning Bangalor shahrida o‘tgan yig‘ilishda OTF direktorlar kengashiga a’zo bo‘lgan edi. Ortda qolgan vaqt mobaynida yurtdoshimizning samarali faoliyati uni xalqaro tashkilotning vitse-prezidentlik darajasiga ko‘tardi.
Mashhur tennischi Iroda To‘laganovani nafaqat O‘zbekistonda, balki butun dunyoda yaxshi bilishadi. U yakkalik bahslarida 3 martadan WTF va ITF turnirlari g‘olibasi hisoblanadi. Iroda To‘laganova “O‘zbekiston iftixori” faxriy unvoni, “Shuhrat” medali bilan taqdirlangan.
Live
Barchasi