Imtiyozli tibbiy yordam ko‘rsatiladigan toifalar ro‘yxati yangilanmoqda

Jamiyat

image

O‘zbekiston Prezidentining “O‘zbekiston Respublikasining Davlat byudjeti mablag‘lari hisobiga tibbiy yordam ko‘rsatiladigan imtiyozli toifadagi shaxslar ro‘yxatini tasdiqlash to‘g‘risida”gi farmoni loyihasi muhokama uchun e’lon qilindi.

Farmon loyihasida Imtiyozli toifaga kiruvchi shaxslar toifalarini qayta ko‘rib chiqilib, ularning yagona ro‘yxatini tasdiqlash taklif etilmoqda.

O‘zbekiston Respublikasining Davlat byudjeti mablag‘lari hisobiga tibbiy yordam ko‘rsatiladigan imtiyozli toifadagi shaxslar ro‘yxati

•    Bolalikdan nogironligi bo‘lgan shaxslar;
•    Chin yetimlar;
•    I va II guruh nogironligi bo‘lgan shaxslar;
•    1941 — 1945 yillardagi urushdan nogironligi bo‘lgan shaxslar va uning qatnashchilari, shuningdek, ularga tenglashtirilgan shaxslar;
•    1941 — 1945 yillardagi urush davrida mehnat jabhasining qatnashchilari;
•    Yolg‘iz yashovchi yoki “Ijtimoiy himoya yagona reyestri” axborot tizimi orqali aniqlangan kam ta’minlangan oilalar a’zolari bo‘lan pensiyaga chiqqan shaxslar;
•    Chernobil AES falokatini tugatishda ishtirok etgan shaxslar jumlasiga kiruvchi nogironligi bo‘lgan shaxslar;
•    Baynalmilalchi-jangchilar;
•    “Ijtimoiy himoya yagona reyestri” axborot tizimi orqali aniqlangan kam ta’minlangan oilalarga mansub shaxslar;
•    Sog‘liqni saqlash vazirligi tomonidan tasdiqlanadigan ro‘yxat bo‘yicha ginekologik kasalliklari mavjud hamda patologiyali homilador ayollar;
•    Sog‘liqni saqlash vazirligi tomonidan tasdiqlanadigan ro‘yxat bo‘yicha 18 yoshga to‘lmagan patologiyali bolalar;
•    Sog‘liqni saqlash vazirligi tomonidan tasdiqlanadigan ro‘yxat bo‘yicha endokrin kasalliklarga chalingan bemorlar;
•    Sog‘liqni saqlash vazirligi tomonidan tasdiqlanadigan ro‘yxat bo‘yicha teri kasalliklari va jinsiy yo‘l bilan yuqtiriladigan kasalliklarga chalingan shaxslar;
•    Sog‘liqni saqlash vazirligi tomonidan tasdiqlanadigan ro‘yxat bo‘yicha sil kasalligiga chalingan shaxslar.
•    Sog‘liqni saqlash vazirligi tomonidan tasdiqlanadigan ro‘yxat bo‘yicha onkologiya kasalliklariga chalingan shaxslar.

Shu sababli, farmon loyihasida O‘zbekiston Respublikasi Prezidentining va O‘zbekiston Respublikasi Hukumatining ayrim hujjatlarini o‘z kuchini yo‘qotgan deb topilishi taklif etilmoqda.

Loyihaning qabul qilinishi Davlat byudjetidan ortiqcha moliyaviy mablag‘lar talab qilmaydi.


Maqola muallifi

Teglar

Baholaganlar

86

Reyting

2.9

Maqolaga baho bering

Doʻstlaringiz bilan ulashing