Ichki ishlar tizimida qator lavozimiy o‘zgarishlar amalga oshirildi

Bugun, 9 iyun kuni Ichki ishlar vazirining shaxsiy tarkib bo‘yicha buyrug‘i bilan lavozim tayinlovlari amalga oshirildi. Bu haqda IIV Axborot xizmati xabar bermoqda.

Podpolkovnik Yusupov Ilhom Elmurodovich Surxondaryo viloyati IIB boshlig‘ining jamoat tartibini saqlash bo‘yicha o‘rinbosari lavozimiga tayinlandi. Tayinlovga qadar Ilhom Yusupov Surxondaryo viloyati, Denov tumani bo‘yicha ichki ishlar organlari faoliyatini muvofiqlashtirish boshqarmasi boshlig‘i lavozimida faoliyat yuritgan.

Surxondaryo viloyati, Boysun tumani ichki ishlar bo‘limi boshlig‘i lavozimida faoliyat yuritgan podpolkovnik Nurullayev Elbek Abduqodirovich Surxondaryo viloyati, Denov tumani bo‘yicha ichki ishlar organlari faoliyatini muvofiqlashtirish boshqarmasi boshlig‘i lavozimiga tayinlandi. 

Mayor Boboyev Do‘stmurod Qurbonmurotovich Surxondaryo viloyati, Boysun tumani ichki ishlar bo‘limi boshlig‘i lavozimiga tayinlandi. U bunga qadar Surxondaryo viloyati, Sho‘rchi tumani ichki ishlar bo‘limi boshlig‘ining birinchi o‘rinbosari lavozimida ishlagan.

Polkovnik Xasanov Ibrohim Islomovich Toshkent viloyati IIBB boshlig‘ining to‘rtinchi mintaqaviy hudud bo‘yicha vakili-markaz boshlig‘i lavozimiga tayinlandi. Tayinlovga qadar Ibrohim Xasanov Toshkent tumani ichki ishlar boshqarmasi boshlig‘i lavozimida faoliyat yuritgan.

Toshkent viloyati, Bo‘stonliq tumani ichki ishlar bo‘limi boshlig‘ining birinchi o‘rinbosari lavozimida ishlab kelgan podpolkovnik Xurboyev O‘tkirbek Maxammatjonovich Toshkent tumani ichki ishlar boshqarmasi boshlig‘i lavozimiga tayinlandi.

Podpolkovnik Bektoshev Farxodjon Isroilovich Farg‘ona viloyati, Toshloq tumani ichki ishlar bo‘limi boshlig‘i lavozimiga tayinlandi. U bunga qadar Farg‘ona viloyati, Rishton tumani ichki ishlar bo‘limi boshlig‘ining birinchi o‘rinbosari lavozimida faoliyat yuritgan.

Mayor Madaminov Jasur Narimonovich Xorazm viloyati, Qo‘shko‘pir tumani bo‘yicha ichki ishlar organlari faoliyatini muvofiqlashtirish bo‘limi boshlig‘i lavozimiga tayinlandi. Tayinlovga qadar Jasur Madaminov Hazorasp tumani ichki ishlar bo‘limi boshlig‘ining birinchi o‘rinbosari lavozimida faoliyat yuritgan.

Toshkent shahar, Yashnobod tumani bo‘yicha ichki ishlar organlari faoliyatini muvofiqlashtirish boshqarmasi boshlig‘i lavozimida faoliyat yuritgan podpolkovnik Axmedov Atamurad Baxtiyarovich Toshkent shahari, Mirzo Ulug‘bek tumani bo‘yicha ichki ishlar organlari faoliyatini muvofiqlashtirish boshqarmasi boshlig‘i lavozimiga tayinlandi.

Podpolkovnik Zuparov Toxirjon Zakirjanovich Toshkent shahar, Yashnobod tumani bo‘yicha ichki ishlar organlari faoliyatini muvofiqlashtirish boshqarmasi boshlig‘i lavozimiga tayinlandi. Tayinlovga qadar Toxirjon Zuparov Toshkent shahar, Yunusobod tumani bo‘yicha ichki ishlar organlari faoliyatini muvofiqlashtirish boshqarmasi boshlig‘ining tezkor ishlar bo‘yicha o‘rinbosari lavozimida ishlagan.