Golden Boy mukofoti uchun yakuniy nomzodlar ro‘yxati e’lon qilindi

21 yoshgacha bo‘lgan eng yaxshi futbolchiga beriladigan 2022 yilgi Golden Boy mukofotiga yakuniy 20 nomzod nomi e’lon qilindi. Bu haqda “Tuttosport” xabar berdi.

Ro‘yxatga quyidagi futbolchilar kiritilgan: Jud Bellingem, Karim Adeyemi (ikkalasi ham "Borussiya D"), Eduardo Kamavinga ("Real Madrid"), Pedri, Ansu Fati, Gavi (barchasi - "Barselona"), Antonio Silva ("Benfika") , Fabio Karvalyu ("Liverpul"), Vilfred Nonto ("Lids"), Joshko Gvardiol (“RB Leypsig”), Jamol Musiala, Matis Tell, Rayan Gravenber (barchasi "Bavariya"), Fabio Miretti ("Yuventus"), Niko Gonsales («Valensiya»), Nuno Mendes ("PSJ"), Jorjio Skalvini ("Atalanta"), Nikola Zalevski ("Roma"), Benjamin Sheshko (“Red Bull Zalsburg”) va Ienoma Destiny Udogi ("Udineze").

O‘tgan yili bu sovrinni "Barselona" yarim himoyachisi Pedri qo‘lga kiritgan edi.

Ma’lumot uchun ushbu mukofot o‘z davrida Lionel Messi, Serxio Aguero, Ueyn Runi, Pol Pogba, Kilian Mbappe va Erling Holand kabi futbol yulduzlariga nasib etgan.

Shahzod Shukurov