Germaniyada odamlarni garovga olgan qurollangan shaxs qo‘lga olindi
Olam
−
10 dekabr 2022 5034
Avvalroq Germaniyaning Drezden shahri markazida qurolli shaxs odamlarni garovga olgani va “Altmarktgalerie” savdo markazidagi do‘konlardan biriga bekingani haqida xabar berilgan edi. Huquq-tartibot idoralari xodimlari tomonidan tarqatilgan press-relizda aytilishicha, gumonlanuvchi allaqachon hibsga olingan. Bu haqda TASS xabar berdi.
“Garovga olish voqeasi tugadi. Ikki kishi bizning nazoratimiz ostida, ular jabrlanmagan”, deyiladi huquq-tartibot idoralari bayonotida.
Hujumchining maqsadi haqida hozircha ma’lumot yo‘q.
Qayd etilishicha, savdo markaziga tashrif buyuruvchilar evakuatsiya qilingan. Politsiya shahar markaziga sayohat qilmaslikni so‘ramoqda. Operatsiya tufayli jamoat va xususiy transport harakati cheklandi. Germaniyaning eng mashhur bozorlaridan biri bo‘lgan “Striezelmarkt” kun bo‘yi yopilgan.
Sohiba Komilovna
Live
Barchasi