Gazprom loyihani o‘z vaqtida boshlashiga oz qoldi. Biroq...

Rossiya “Shimoliy oqim-2” gaz quvurini Daniya orqali qurishga ruxsat olishi uchun bir necha hafta muhlati qoldi. Agar Rossiya avgust oyida Daniya rasmiylaridan qurilishga ruxsat olmasa, Yevropa mamlakatlariga gaz yetkazib berishni boshlash vaqtini buzishi mumkin. Bu haqda svpressa.ru yozmoqda.

Shuningdek, Rossiya gaz quvurining ikkinchi liniyasi ishga tushirilishi Ukraina orqali gaz tranziti bo‘yicha amaldagi shartnomaning tugashi bilan 2019 yil 31-dekabrga to‘g‘ri kelishi kerak.

Avvalroq, "Gazprom" ning gaz quvuri qurilishidagi asosiy sheriklaridan biri bo‘lgan Avstriyaning OMV kompaniyasi rahbari Rainer Seyele, "Shimoliy oqim-2" qurilishining kechikishi Yevropada gaz narxining ko‘tarilishiga olib kelishi haqida aytgan edi. U Daniya suvlari orqali quvur o‘tkazish uchun bir yoki ikki oy vaqt kerakligini ta’kidlagan. 

Eslatib o‘tamiz, “Shimoliy oqim-2” gaz quvuri qurilishi rejalashtirilgan deyarli barcha mamlakatlardan (Rossiya, Germaniya, Finlyandiya, Shvetsiya) milliy ruxsatnomalar olingan. Daniya marshrutni hali kelishmagan yagona mamlakat bo‘lib qolmoqda.

Hozirgi vaqtda Kopengagen bir vaqtning o‘zida turli yo‘nalishlarga uchta buyurtmani ko‘rib chiqishni davom ettirmoqda, ularning oxirgisi 2019 yil aprel oyida topshirilgan bo‘lib, Daniya eksklyuziv iqtisodiy zonasida, Bornholm janubida quvurlarni yotqizishni o‘z ichiga oladi. Ilgari berilgan ikkita arizaga ko‘ra, quvur Daniya hududidagi Bornholm janubida va ushbu orolning shimoli-g‘arbiy eksklyuziv iqtisodiy zonasidan o‘tishi kerak.