Fuqaroni tekshirish uchun IIBga olib borish tartibi bekor qilinadi
Jamiyat
−
03 yanvar 2022
7482O‘zbekistonda fuqarolarni ichki ishlar organlariga olib borish tartibi bekor qilinishi mumkin. Bu haqda O‘zbekiston Prezidentining “Yangi O‘zbekistonning 2022–2026 yillarga mo‘ljallangan taraqqiyot strategiyasi to‘g‘risida”gi farmoni loyihasida so‘z borgan.
Farmonning 16-bandiga ko‘ra, Taraqqiyot strategiyasida adolat va qonun ustuvorligini ta’minlash bo‘yicha belgilangan vazifalar doirasida 2022 yilda:
• ijtimoiy himoyaga muhtoj fuqarolarga fuqarolik va ma’muriy ishlar bo‘yicha davlat hisobidan bepul yuridik yordam ko‘rsatish tartibi joriy etiladi;
• harakatlanish erkinligi cheklangan shaxslarni hisobga olish bo‘yicha yagona elektron reyestr yuritilishi yo‘lga qo‘yiladi;
• “Ye-patrul” tizimi joriy etilib, tekshirish uchun fuqaroni ichki ishlar bo‘limiga olib borish o‘rniga barcha ma’lumotlarni joyida tekshirish tartibi yo‘lga qo‘yiladi;
• qarori, harakati (harakatsizligi) noqonuniy emasligini sudda isbotlash majburiyati, uni qabul qilgan mansabdor shaxsning o‘ziga yuklash tartibi – “aybdorlik prezumpsiyasi” va “sudning faol ishtiroki” tamoyillari joriy etiladi.
LiveBarchasi
07 noyabr 2023
07 noyabr 2023
07 noyabr 2023