Fond direktori 500 ming tangani olayotganda qo‘lga tushdi
Olam
−
23 Oktabr 2019 4040
Qozog‘istonning Pavlodar viloyati Korrupsiyaga qarshi kurashish boshqarmasi "Pavlodar" korporativ ijtimoiy rivojlanish fondi bosh direktori ustidan sudgacha tergov boshladi. Bu haqda Zakon.kz xabar bermoqda.
Ma’lum bo‘lishicha, fond rahbari qurilishi tugallanmagan ijtimoiy ob’ektni baholash bo‘yicha xizmatlar ko‘rsatish to‘g‘risida shartnoma tuzgani uchun tadbirkorlardan 1 million tanga pora talab qilgan.
U mazkur mablag‘ning yarmini ya’ni 500 ming tangani olayotgan vaqtda qo‘lga tushdi. Hozirda fond bosh direktori ushlanib, Pavlodardagi vaqtincha saqlash hibsxonasiga joylashtirildi.
Sudgacha tergov davom etmoqda. Unga nisbatan yakuniy qaror, aybdorlik darajasi aniqlangach, sud tomonidan qabul qilinadi.
Live
Barchasi