Finlyandiya Prezidenti Ko‘ksaroyda tantanali kutib olindi
Jamiyat
−
31 Oktabr 2025 3214 1 daqiqa
Bugun, 31 oktyabr kuni Ko‘ksaroy qarorgohida O‘zbekistonda rasmiy tashrif bilan bo‘lib turgan Finlyandiya Prezidenti Aleksandr Stubbni tantanali kutib olish marosimi bo‘ldi. Bu haqda O‘zbekiston rahbarining matbuot xizmati xabar berdi.
Qarorgoh oldidagi maydonda ikki davlat bayroqlari ko‘tarildi, faxriy qorovul saf tortdi. Prezident Shavkat Mirziyoyev oliy martabali mehmonni samimiy qutlab, shohsupaga taklif etdi.
Shundan so‘ng, O‘zbekiston va Finlyandiya davlat madhiyalari yangradi. Yetakchilar faxriy qorovul safi oldidan o‘tib, rasmiy delegatsiyalar a’zolarini bir-biriga tanishtirdi.
Tantanali marosim yakunlangach, birgalikda suratga tushildi va delegatsiyalar ishtirokida oliy darajadagi muzokaralar boshlandi.
Eslatib o‘tamiz, avvalroq Finlyandiya Prezidenti Aleksandr Stubb Qozog‘iston va O‘zbekiston raqobatlashishini aytgandi.
