Fergyusonning “o‘g‘li” uyga qaytdi: Ronaldu ilk o‘yinda dublga erishdi (video)

Sport

−

11 Sentabr 2021 visibility14685

“Manchester Yunayted”ga qaytgan Krishtianu Ronaldu “Old Trafford”da ikkita gol urdi.

U “Nyukasl” jamoasiga qarshi o‘tayotgan bahsning 47-daqiqasida darvozabonning xatosidan foydalanib, hisobni ochdi. Ushbu vaziyatda Meyson Grinvud darvoza tomon zarba yo‘lladi va raqib posboni to‘pni qo‘lidan chiqarib yubordi.

Ikkinchi taymda “Nyukasl” futbolchisi Mankilo hisobni tenglashtirdi. Biroq 62-daqiqada MYU futbolchilari tezkor qarshi hujumda hisobda oldinga chiqib oldi. Lyuk Shouning uzatmasidan so‘ng, Ronaldu darvozabonning oyoqlari orasidan gol urib, dublni rasmiylashtirdi.

Eslatib o‘tamiz, Portugaliyalik futbolchi ilk marta 2008 yilda aynan “Nyukasl” darvozasini 3 bor ishg‘ol qilgan.

Maqola muallifi