Farg‘onada yo‘lning qatnov qismi o‘pirilib tushdi
Jamiyat
−
10 Fevral 2023 14119 1 daqiqa
Ijtimoiy tarmoqlarda Farg‘ona viloyatida yo‘lning qatnov qismi o‘pirilib tushgani aks etgan fotoxabar tarqaldi. Holat yuzasidan viloyat yo‘l harakati xavfsizligi boshqarmasi ma’lumot berdi.
Qayd etilishicha, joriy yilning 1 fevralida 4 K 923 Yaypan-Rapqon-Beshariq-Chilmaxram avtomobil yo‘lining 25 kilometrida yer osti suvlarining yo‘l qoplamasi ostiga to‘plangani oqibatida o‘pirilish sodir bo‘lgan.
Holat shu kunning o‘zida kerakli kuch-vositalar yordamida bartaraf etilib, avtomobillar qatnovi tiklangani aytilmoqda.
Yo‘ldagi nosozlik tufayli sodir bo‘lgan yo‘l-transport hodisasida Nexia rusumli transport vositasi haydovchisi dastlabki ma’lumotga ko‘ra, yengil tan jarohati olgan.
“Hozirda ushbu holat yuzasidan o‘rganish ishlari olib borilmoqda”, deyiladi boshqarma xabarida.
Live
Barchasi