Farg‘onada 19 yoshli yigit 68 yashar otaxonning hayotiga nuqta qo‘ydi

Farg‘ona viloyatida 2001 yilda tug‘ilgan ekskavator haydovchisi 68 yoshli piyodani urib yubordi va yo‘lovchining umriga zomin bo‘ldi. Bu haqda IIV YHXBB Axborot xizmati xabar berdi.

YTH bugun, 3 sentyabr kuni soat 11:05 larda Farg‘ona viloyati, Qo‘shtepa tumanida sodir bo‘lgan. 2001 yilda tug‘ilgan A.J. HYUNDAI rusumli ekskavatorni “Marg‘ilon-Soybo‘yi-Mingbuloq” yo‘lida boshqarib kelayotgan bo‘lgan. U yo‘lning chap tomonidan o‘ng tomoniga kesib o‘tayotgan 1952 yilda tug‘ilgan piyoda X.S.ni urib yuborgan. Natijada, 68 yoshli piyoda X.S. og‘ir tan jarohatlari olib, voqea joyida vafot etgan. 

Ushbu yo‘l-transport hodisasi yuzasidan J.Kning 266-moddasi 2-qismi (odam o‘limiga olib kelgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan.

Hozirda tergov harakatlari olib borilmoqda.

Ahrorbek Hayrullayev