Dushanba kuni Toshkentdagi tumanlardan birida gaz o‘chadi
Jamiyat
−
19 avgust 2023 5814
Sergeli tumanining bitta mahallasi ta’mirlash ishlari tufayli 1 kunga vaqtincha gaz ta’minotidan uzib qo‘yiladi. Bu haqda “Hududgazta’minot” AJ xabar berdi.
Xabarga ko‘ra, 21 avgust kuni Sofdil mahallasida soat 11:00 dan 17:00 gacha tabiiy gaz yetkazib berish vaqtincha to‘xtatiladi.
Ma’lumot uchun ushbu mahallada istiqomat qiluvchi aholi iste’molchilari soni 472 ta. Ulgurji iste’molchilari soni esa 6 tani tashkil etadi.
Eslatib o‘tamiz, kecha, 18 avgust kuni kuz-qish mavsumiga tayyorgarlik doirasida Toshkent shahar Olmazor tumanining ba’zi ko‘chalarida gaz ta’minoti vaqtincha uzib qo‘yilgandi.
