Dam olish kunlari qanday ob-havo kuzatilishi ma’lum bo‘ldi
Bu qiziq
−
11 mart 2022 11800
Bugun, 11 mart kuni kuni va dam olish kunlari O‘zbekiston hududi bo‘yicha beqaror ob-havo bo‘lishi kutilmoqda. Bu haqda Gidrometeorologiya xizmati markazi xabar berdi.
Respublika hududining kattta qismida yomg‘ir yog‘adi, ba’zi joylarda kuchli bo‘ladi, momaqaldiroq bo‘lishi mumkin. Faqat Qoraqalpog‘istonda va Xorazm viloyatida yomg‘ir faqat ayrim hududlarda yog‘adi.
Respublikaning tog‘li hududlarida yog‘ingarchilik, yomg‘ir va qor ko‘rinishida, ba’zi joylarda kuchli bo‘ladi. Respublika bo‘yicha ba’zi joylarda shamol 17-22 m/s gacha kuchayadi, momaqaldiroq paytida shamol tezligi 25-28 m/s ga yetishi mumkin.
Havo harorati 17-20° iliqdan 13-16° iliqqacha asta-sekin ko‘tariladi.
Tog‘oldi va tog‘li hududlarda sel kelishi, tog‘larda qor ko‘chishi xavfi bor.
Respublika hududi bo‘yicha va keyingi haftaning birinchi yarmida vaqti-vaqti bilan yomg‘ir yog‘ishi kuzatiladigan beqaror ob-havo saqlanib turadi.
Bunday ob-havo atmosferada juda faol janubiy frontal zonalarni mavjudligi hisobiga, respublika hududiga doimiy ravishda nam bulutli massivlar kirib kelishini hosil qiladi.
O‘tgan yilning mart oyida ham O‘zbekistonda tez-tez yomg‘ir yog‘ishi bilan ob-havoning huddi shunday holati kuzatilgan. Masalan, Toshkentda yomg‘irli kunlar soni 21 kunni tashkil etgan.
Live
Barchasi