Chilonzordagi “dom”lardan birida gaz portladi
3-sahifa
−
04 Oktabr 2021 8945
Kecha, 3 oktyabr kuni soat 22:13 da poytaxtning Chilonzor tumanining yettinchi kvartalida joylashgan 59-uyda, birlamchi ma’lumotga ko‘ra, gaz-havo aralashmasining chaqnashi sodir bo‘ldi. Bu haqda Favqulodda vaziyatlar vazirligi xabar berdi.
Voqea yetti qavatli uyning 36-kvartirasida sodir bo‘lgan. Favqulodda vaziyat oqibatlarini bartaraf etish uchun FVVning 5 ta yong‘in-qutqaruv ekipaji darhol voqea joyiga yetib borgan.
Mavjud ma’lumotlarga ko‘ra, ayni vaqtda, uy aholisi jabrlanmagan. Qurbonlar yo‘q. Vaziyat oqibatida bir nechta kvartiralarga qisman zarar yetdi, deraza va eshiklar shikastlangan.
Ayni vaqtda hamkorlikdagi xizmatlarning mutaxassislari ushbu favqulodda vaziyatning sabablarini o‘rganmoqdalar. 17 nafar uyi shikastlangan fuqarolar vaqtinchalik mehmonxonaga joylashtirildi.
Live
Barchasi