Chexiya Ukrainaga Leopard 2 tankini yetkazib berolmaydi – Bosh vazir Fiala

Avvalroq Germaniya hukumati Ukrainaga 19 ta Leopard 2 tankini topshirishi mumkinligi haqida xabar bergan edik. 

Ushbu xabarlar fonida Slovakiya va Chexiya ham Ukrainaga oyiga 2 tadan, jami 30 ta nemis “Leopard 2” tankini berishga kelishib olgani xorij ommaviy axborot vositalarida yangiliklar tarqala boshladi.

Biroq Chexiya Mudofaa vazirligi ommaviy axborot vositalarida Leopard 2 tankini Ukrainaga yuborishga tayyorligi haqidagi ma’lumotni rad etdi.

Chexiya Bosh vaziri Piter Fialaning aytishicha, hozirda respublika Leopard 2 tankini Ukrainaga yuborolmaydi, chunki tanklar Chexiyaga o‘z xavfsizligini ta’minlash uchun kerak.

“Endi biz Leopard 2 tanklarini yuborolmaymiz, chunki bizning xavfsizligimizni ta’minlash uchun ushbu tanklar kerak”, dedi janob Fiala.

Ma’lumot uchun, avvalroq Chexiya hukumati Germaniya Qurolli Kuchlari tomonidan respublikaga etkazib berilgan sovet qurollari uchun kompensatsiya olish maqsadida tanklar berishni so‘ragani haqida xabarlar ham tarqalgandi.
21 yanvar kuni Chexiya Mudofaa vazirligi bu xabarni ham rad etib chiqdi. 

Bugun, 24 yanvar kuni ABC nashri diplomatik manbaga tayanib, 100 dan ortiq Leopard 2 tanklarini Ukrainaga yetkazib berish byicha 12 mamlakat tomonidan kelishilganini ma’lum qildi. 

Bloomberg ma’lumotlariga ko‘ra esa ertaga, 25 yanvar kuni Germaniya Polshaga Ukraina qurolli kuchlari uchun Leopard 2 tankini qayta eksport qilishga ruxsat beradi.