Buxoro shahar sudining sudyasi kasbiy sha’niga dog‘ tushirgani uchun bo‘shatildi

Jamiyat

−

30 mart 2022 visibility6077

0:00

download

Toshkent va Buxoro shahri sudyalari lavozimidan ozod etilib, vakolatlari muddatidan ilgari tugatildi. Bu haqda O‘zbekiston Respublikasi Sudyalar oliy kengashi Matbuot xizmati xabar berdi.

Qayd etilishicha, Sudyalar oliy kengashi qarori bilan yozma arizasiga binoan hamda sudyalik sha’ni va qadr-qimmatiga dog‘ tushiradigan, shuningdek, sudning obro‘siga putur yetkazadigan nojo‘ya xatti-harakat sodir etgani uchun Zavqiddin Muzafarov Buxoro viloyati jinoyat ishlari bo‘yicha Buxoro shahar sudining sudyasi lavozimidan ozod etilgan.

Bundan tashqari, yozma arizasiga binoan Ilhomjon Rajabov Toshkent shahar Toshkent tumanlararo iqtisodiy sudining sudyasi lavozimidan ozod etilib, vakolati muddatidan ilgari tugatilgan.

Maqola muallifi