Bugun Toshkentdagi 1 tuman aholisi gazsiz qoladi
Jamiyat
−
01 aprel 2023 4361
Poytaxt Toshkentning Chilonzor tumanidagi ayrim joylarida ta’mirlash ishlari sababli tabiiy gaz ta’minoti vaqtinchalik to‘xtatiladi. Bu haqda “Hududgaz Poytaxt” Matbuot xizmati xabar berdi.
Qayd etilishicha, tumanning “Xirmon-tepa” mahallasi hududidan o‘tgan yer usti o‘rta bosim gaz quvurini xavfsiz joyga ko‘chirish ishlari amalga oshiriladi.
Shu tufayli bugun, 1 aprel kuni soat 10:00 dan 17:00 ga “Xirmon-tepa”, “Kichik xirmon-tepa”, “Katta xirmon-tepa” mahallalarida joylashgan ko‘p qavatli uylardagi jami 5 306 ta xonadonda hamda 14 ta ulgurji iste’molchilarida gaz ta’minoti vaqtinchalik to‘xtatiladi.
“Ta’mirlash ishlari yakunlangach, tabiiy gaz ta’minoti qayta tiklanadi. Yetkazilayotgan noqulayliklar uchun iste’molchilardan uzr so‘raymiz”, deyiladi xabarda.
Live
Barchasi