Bugun Rossiya televideniyesi tarixida yangi sahifa ochildi

Bugun, 14 oktyabr kuni Rossiya raqamli televideniyega o‘tishni yakunlaydi. Bu haqda TASS xabar bermoqda. 

Mamlakatning boshqa 21 viloyatida federal televizion kanallarning analog uzatishlari o‘chiriladi. "Missiyani boshqarish markazidan analogli uzatishni Roskosmosning Raqamli rivojlanish markazi rahbari Konstantin Shadrin va RTRS bosh direktori Andrey Romanchenko va Xalqaro kosmik stansiyadan kosmonavt Aleksandr Skvorsov amalga oshiradilar", deyiladi xabarda. 

Rossiya televideniyesida ishlaydigan 13 ming analog uzatgichlarning 3 mingdan ortig‘i federal telekanallarning uzatilishini to‘xtatadi. Uzatishlar, xususan, Sankt-Peterburg va Leningrad viloyatida, shuningdek Sevastopol va Qrimda to‘xtaydi. To‘xtatilish Astraxan va Volgograd, Orenburg va Saratov viloyatlariga, Boshqirdiston va Tataristonga, Sibirda - Transbaykaliya va Oltoy respublikasiga, Shimoliy Kavkazda - Dog‘iston va Ingushetiyaga ta’sir qiladi.

Bundan tashqari, federal kanallarning analog uzatishlari Markaziy Federal okrugning ikkita mintaqasida —Kaluga va Kurskda, Shimoliy-G‘arbiy to‘rtta mintaqada — Vologda, Murmansk, Pskov viloyatlari va Kareliyada, shuningdek Chelyabinsk viloyatida to‘xtatiladi.

RTRS Rossiyaning 5 ming 40 ta uzatish stansiyalarini o‘z ichiga olgan raqamli uzatish tarmog‘ini yaratganini eslatib o‘tdi, ularning har biri 20 ta raqamli televizion kanallarni uzatadi.

Signallar 17 million kvadrat metrdan ko‘proq maydonni qamrab oladi. hamda rossiyaliklarning raqamli uzatish bilan qamrab olinishi 98,4 foizga yetadi.