Budapeshtda Mirziyoyevni rasmiy kutib olish marosimi bo‘lib o‘tdi

Olam

−

04 Oktabr 2022 visibility9760

Bugun, 4 oktyabr kuni Budapesht shahrida Vengriya Parlamentining binosi ro‘parasidagi Layosh Koshut nomidagi maydonda rasmiy tashrif bilan ushbu mamlakatda bo‘lib turgan O‘zbekiston Respublikasi Prezidenti Shavkat Mirziyoyevni rasmiy kutib olish marosimi bo‘lib o‘tdi.

Maydonda oliy martabali mehmon sharafiga piyoda va otliq askarlardan iborat faxriy qorovul saf tortdi. Harbiy orkestr ikki mamlakat davlat madhiyalarini ijro etdi.

Prezident Shavkat Mirziyoyev va Vengriya Prezidenti Katalin Novak rasmiy delegatsiyalar a’zolarini qutladilar.

Marosim yakunida faxriy qorovul tantanali ravishda saf tortib o‘tdi.

Eslatib o‘tamiz, O‘zbekiston Respublikasi Prezidenti Shavkat Mirziyoyev Budapeshtga kecha, 3 oktyabr kuni yetib borgan edi. Unga rafiqasi – birinchi xonim Ziroat Mirziyoyeva hamrohlik qilmoqda.

Maqola muallifi