Britaniyada poliomiyelit virusi sabab favqulodda holat e’lon qilindi

Buyuk Britaniya sog‘liqni saqlash idoralari London kanalizatsiyasida poliomiyelit virusi izlari topilganidan keyin milliy favqulodda holat e’lon qildi. Bu haqda bugun, 22 iyun kuni Buyuk Britaniya sog‘liqni saqlash xavfsizligi agentligi (UK Health Security Agency, UKHSA) tarqatgan bayonotda aytiladi.

Ta’kidlanishicha, yovvoyi poliovirusning ikkinchi serotipi (PV2) izlari fevral va iyun oylari orasida London sharqida joylashgan oqava suvlarni tozalash inshootida topilgan. UKHSA ma’lumotlariga ko‘ra, kompaniya shaharning umumiy aholisi 4 million kishidan kam bo‘lgan hududlariga xizmat ko‘rsatadi. Agentlikning aniqlik kiritishicha, qoida tariqasida, mamlakatda har yili oqava suvlardan olingan namunalarda vaksina bilan bog‘langan poliomiyelit virusining birdan uchtagacha holati aniqlanadi.

“Oldingi holatlar chet elda og‘iz orqali poliomiyelitga qarshi emlangan shaxs Buyuk Britaniyaga sayohat qilib, qisqa vaqt davomida vaksina bilan aralashgan poliovirus izlarini qoldirgandan keyin sodir bo‘lgan”, deyiladi xabarda.

Biroq, hozirgi vaziyatning o‘ziga xosligi, UKHSA ma’lumotlariga ko‘ra, odatiy amaliyotdan farqli o‘laroq, bu safar virusning aniqlangan izolyatlari bir-biri bilan genetik bog‘langan.

“Sky News” telekanaliga ko‘ra, poliomiyelit virusi bilan kasallanganlarning aksariyati asemptomatikdir. INFEKSION odamdan odamga asosan og‘iz yo‘li bilan yoki kamroq tarqalgan infeksiya tashuvchisi (masalan, ifloslangan suv yoki oziq-ovqat) orqali yuqadi va ichaklarda ko‘payadi.

Bu virusga qarshi bir necha turdagi vaksinalar mavjud.