Braziliyada qora tanli fuqaro o‘ldirildi. Namoyishlar boshlandi

Braziliyaning Porto Alegre shahridagi Fransiyaning “Carrefour” supermarketlar tarmog‘ida qora tanli xaridorning o‘ldirilishi bilan boshlangan norozilik namoyishlarida politsiya bilan to‘qnashuvlar bo‘lib o‘tdi. Huquqni muhofaza qilish organlari xodimlari olomonni tarqatish uchun rezina o‘qlardan foydalangan.

Ma’lum bo‘lishicha, 40 yoshli Joao Silveira joriy yilning 20 noyabr kuni “Carrefour” supermarketida rafiqasi bilan xarid qilish paytida Porto Alegre shahridagi savdo markazining qo‘riqchilari tomonidan bo‘g‘ib o‘ldirilgan. Ushbu hodisa keskin norozilik to‘lqiniga sabab bo‘ldi.

Qayd etilishicha, 21 noyabr kuni Braziliyaning San-Paulu shahridagi “Carrefour” supermarketini namoyishchilar “Black Lives Matter” harakati bayrog‘i ostida talon-toroj qilib, yoqib yubordi. Qotillik sodir etilgan Kuritiba va Porto Alegrada “Vidas pretas importam” [Qora tanlilar ham yashashi kerak] shiori ostida unchalik jiddiy bo‘lmagan namoyishlar bo‘lib o‘tdi.

Portal ma’lumotlariga ko‘ra, kecha, 23 noyabr kuni kechqurun namoyishchilar supermarket yonida to‘plandi. Ularning aksariyati adolatga chaqiruvchi bannerlarni ushlab turishgan. Namoyishchilar mahalliy vaqt bilan soat 19:00 atrofida (seshanba kuni 01:00 mikroseksiya) ko‘chalarda yurishlar qilishni boshladi.

Taxminan bir soat o‘tgach, bir necha namoyishchilar xiyobon o‘rtasida daraxt shoxlarini yulib, yoqib yuborishni boshladilar. Ular politsiya tomon tosh va boshqa buyumlarni ham uloqtirgan. Qarama-qarshilik taxminan 20 daqiqa davom etgan. Politsiya olomonga qarshi rezina o‘qlardan foydalanganidan so‘ng, tartibsizliklar bostirilgan. Hozirda jabrlanganlar haqida ma’lumot berilmagan.

Portalning yozishicha, “Carrefour” namoyishlarni to‘liq qonuniy, deb hisoblashini aytib, bunday hodisalar takrorlanmasligi uchun yechim topishda jamoatchilik bilan munozarani boshlashini aytgan. Kompaniyaning ma’lum qilishicha, ular allaqachon marhumning oilasi bilan bog‘langan va hozirda unga har qanday yordam ko‘rsatishga tayyor ekanliklarini bildirgan.

Umidjon Nozimjonov