O‘zbekiston bozorlarida go‘sht, kartoshka va piyoz narxi oshdi

O‘zbekistondagi markaziy dehqon bozorlarida qo‘y go‘shti, kartoshka, piyoz narxi oshdi, tuxum esa arzonladi. Bu haqda Davlat statistika qo‘mitasi hududlardagi markaziy dehqon bozorlarida o‘tkazgan kuzatuv natijalari bo‘yicha ma’lum qildi.

Unga ko‘ra, alohida turdagi oziq-ovqat mahsulotlarining minimal-maksimal narxlari e’lon qilingan.

Joriy yil 12 yanvar holatiga ko‘ra, oziq-ovqat mahsulotlarining narxlari quyidagicha:

•  Suyakli mol go‘shti (1 kg) — 45 000 – 68 000 so‘m;

•  Qo‘y go‘shti (1 kg) — 54 000 – 80 000 so‘m;

•  Kartoshka (1 kg) — 3000 – 8000 so‘m;

•  Piyoz (1 kg) — 1500 – 4000 so‘m;

•  Sabzi (1 kg) — 1000 – 4500 so‘m;

•  Tuxum (10 dona) — 7000 – 14000 so‘m;

•  Guruch (1 kg) — 5000 – 17 500 so‘m;

•  O‘simlik yog‘i (1 l) — 14 000 – 24 000 so‘m;

•  Shakar (1 kg) — 7 500 – 10 500 so‘m.

Statqo‘m narxlar kuzatuv amalga oshirilayotgan vaqtda qayd etiladi. Ma’lumotlarni to‘plash vaqti, sanasi hamda joyi o‘zgarishiga qarab, narxlar o‘zgarishi mumkinligini eslatib o‘tgan.