Boyak jangi, qozoqlarning kelishuvi hamda Sofiya Rotaru

Olam 2970
image

7 avgust kolumbiyaliklar milliy bayram - Boyak jangida erishilgan g‘alaba  nishonlanadi. Ushbu jang Bogota shahridan 150 kilometr uzoqlikda, Andesda, hozirgi Boyakning bir qismi bo‘lgan joyda bo‘lib o‘tdi. 

Boyak jangida Ispaniya qirollik qo‘shinlari Yangi Granadada mag‘lubiyatga uchradi va Lotin Amerikasida ancha zaiflashdi. Janubiy Amerikaning Ispaniya mustamlakalari ozod qilingandan keyin Buyuk Kolumbiya shtati tashkil etildi. Ushbu jangni eslab, 7 avgust Kolumbiyada milliy bayram deb e’lon qilindi. 

Shuningdek,7 avgust Tinch okeani qirg‘og‘idagi Kiribati Respublikasida ham milliy bayram — Yoshlar kunini nishonlanadi. Ushbu milliy bayramning asosiy maqsadi yoshlar o‘rtasida sog‘lom turmush tarzini targ‘ib qilishdir. Bayramning asosiy tadbirlari - futbol, voleybol, boks, tennis, basketbol, shuningdek an’anaviy kurash, masalan, mahalliy kurash. Sport tadbirlarida ishtirok etishni istamagan yoshlar ham chetda qolmaydi: ular uchun milliy qo‘shiqlar va raqslar uchun alohida tanlovlar o‘tkaziladi. 

 7 avgust tarixiy voqealari: 1840 yil - Angliyada bolalarni quvurlarni tozalash vositasi sifatida ishlatish taqiqlandi; 1858 yil - Angliya qirolichasi Viktoriya Ottavani Kanadaning poytaxti deb e’lon qildi; 1970 yil - birinchi kompyuter shaxmat musobaqasi bo‘lib o‘tdi; 1998 yil - AQSHning Keniya va Tanzaniyadagi elchixonalariga terrorchilik hujumlari sodir bo‘ldi. 250 ga yaqin kishi halok bo‘ldi va 4mingdan ortiq kishi jarohat oldi.

1740 yil - Jonibek boshchiligidagi bir guruh qozoq jangchilari Orenburg komissiyasi raisi, general-leytenant knyaz Vasiliy Urusov bilan uchrashdi. Jonibek va knyaz Vasiliy Urusov qozoq cho‘llari bilan savdo-sotiqni yo‘lga qo‘yish va karvon yo‘llarining xavfsizligini muhokama qildi; 1995 yil - Olmaota shahridagi Kinochilar uyida “Abay” filmining taqdimoti bo‘lib o‘tdi. Unda Qozog‘iston Respublikasining birinchi Prezidenti Nursulton Nazarboyev ishtirok etdi. 

Shu kunda tug‘ilganlar: 1925 yilda Boris Runge – sobiq Ittifoq teatr va kino aktyori. RSFSRda xizmat ko‘rsatgan artist (1967). Polshada xizmat ko‘rsatgan madaniyat xodimi (1976). RSFSR xalq artisti (1985). “13 stul” filmida janob professor rolini ijro etdi; 

1947 yilda Sofiya Rotaru - Sovet va Ukraina pop qo‘shiqchisi, aktrisa. SSSR xalq artisti (1988). Ukraina Qahramoni (2002);

Qalampir.uz Tahririyati
Maqolaga baho bering
Baholaganlar: 36
Reyting: 3
t
×