“Borussiya” Xolandning sobiq jamoasidan unga o‘rinbosar topdi

Dortmundning “Borussiya” klubi “Zalsburg” hujumchisi Karim Adeyemi bilan 5 yillik shartnoma imzolaydi. Jurnalist Fabritsio Romanoning so‘zlariga ko‘ra, hozircha barcha tafsilotlar ma’lum qilinmagan, ammo nemis klubi 19 yoshli futbolchini qo‘lga kiritish ustida jiddiy ishlamoqda. 

Oldinroq Dortmund klubi Adeyemi transferi uchun Avstriya klubiga 35 million yevro to‘lashi xabar qilingan edi.

Germaniyalik hujumchining “Zalsburg” bilan amaldagi shartnomasi 2024 yilning yozida o‘z yakuniga yetadi. 

“Transfermarkt” portali futbolchining narxini 20 million yevroga baholamoqda. 2021/22 yilgi mavsumda Adeyemi Avstriya klubi safida barcha musobaqalarda 29 ta o‘yin o‘tkazib, 18 ta gol urishga muvaffaq bo‘ldi.

Nemis klubi Adeyemini jamoani tark etishga yaqin turgan Erling Xolandga o‘rinbosar sifatida ko‘rmoqda. Eslatib o‘tamiz, norvegiyalik forvard ham 2020 yilda "Borussiya" safiga aynan "Zalsburg"dan kelib qo‘shilgan.

Shaxboz Qahhorov