Bolgariya terma jamoasi futbolchilari YTHga uchradi

Gruziya poytaxti Tbilisida Bolgariya terma jamoasi futbolchilari bo‘lgan avtobuslar halokatga uchradi, natijada yarim himoyachi Todor Nedelev jarohat oldi. Bu haqda bugun, 11 iyun kuni “Mtavari Arkhi” telekanali xabar berdi.

Telekanalning xabar berishicha, YTH Millatlar Ligasida Gruziya terma jamoasi bilan Tbilisiga bahs o‘tkazish uchun kelgan Bolgariya terma jamoasi futbolchilari aeroportdan mehmonxonaga ikki avtobusda ketayotganida sodir bo‘lgan. Bir mashina haydovchisi boshqaruvni yo‘qotib, ikkinchi avtobusga borib urilgan. Voqea yuzasidan surishtiruv ishlari boshlangan.

Nedelevni shifoxonaga yotqizilishi kerak bo‘lgan. Jamoa matbuot xizmati xodimi Viktor Nedelev Bolgariyaning BTV telekanaliga bergan intervyusida ma’lum qilishicha, sportchi boshidan og‘ir jarohat olib, operatsiya qilingan. 

“Optimistik prognozga ko‘ra, u uch oy ichida tuzalib ketishi mumkin”, degan matbuot xizmati vakili. 

Unga ko‘ra, qolgan o‘yinchilar qattiq ruhiy zarbani boshdan o‘tkazgan, ammo ular gruziyalik futbolchilar bilan o‘yinga tayyorgarlikni davom ettirmoqda.

Gruziya va Bolgariya terma jamoalari o‘rtasidagi o‘yin 12 iyun oqshomida Tbilisidagi “Dinamo Arena” stadionida bo‘lib o‘tishi kerak.