Bayden yangi yil ta’tilini qayerda o‘tkazishi ma’lum qilindi

Oq uy Amerika Qo‘shma Shtatlari Prezidenti Jo Baydenning yangi yil ta’tilini e’lon qildi. Amerika yetakchisi ushbu ta’tilda oilasi bilan 2024 yilgi saylovlarda uning nomzodi qo‘yilishini muhokama qilishga va keyin buni rasman e’lon qilishga va’da berdi.

“Prezident va birinchi xonim Virjiniya orollaridagi Santa-Kruz shahriga boradi va u yerda Yangi yilni oilalari bilan nishonlaydi”, deyiladi Prezidentning Oq uy tomonidan e’lon qilingan jadvalida.

Bayden dam olish joyi sifatida Karib dengizidagi orolni tanlagan va kutilganidek, siyosiy istiqbollarni muhokama qiladi. Jadvalga ko‘ra, Prezident u yerga bugun, 27 dekabr kuni boradi va 2 yanvar kuni Oq uyga qaytadi.

Bayden avvalroq 2023 yil boshida navbatdagi prezidentlik kampaniyasi rejalarini rasman e’lon qilishini aytgan edi. U saylovda qatnashish niyati borligini, lekin buni oilasi bilan muhokama qilmoqchi ekanligini ta’kidlagan. Buning uchun Bayden ta’tilda bir hafta dam olmoqchiligini ma’lum qilgan.

Sohiba Komilovna