Bayden va Blinken BMT Xavfsizlik kengashini isloh qilish masalasini ko‘tarmoqchi

AQSH Prezidenti Jo Bayden va Davlat kotibi Entoni Blinken BMT Bosh Assambleyasida Xavfsizlik kengashini isloh qilish masalasini ko‘taradi. Bu haqda AQSHning BMTdagi elchisi Linda Tomas-Grinfild San-Fransiskodagi tadbirda aytib o‘tgan.

"Biz Xavfsizlik Kengashini isloh qilish bo‘yicha sa’y-harakatlarni kuchaytiramiz. Bu veto rezolyutsiyasini yaratishni o‘z ichiga oladi. Biz status-kvoni himoya qilmasligimiz, lekin murosaga kelishga tayyorligimizni ko‘rsatishimiz kerak", deydi Tomas-Grinfild.

Shuningdek, u Xavfsizlik Kengashi hozirgi dunyo haqiqatlarini yaxshiroq aks ettirishi kerakligini aytib o‘tgan.

“Biz Xavfsizlik Kengashini kengaytirish bo‘yicha takliflar bo‘yicha konsensusga erishishimiz kerak. Shu oy BMT Bosh Assambleyasining yuqori darajadagi haftaligi davomida Prezident Jo Bayden, Davlat kotibi Entoni Blinken va men BMT Nizomi doirasida BMT Xavfsizlik Kengashi va BMTning boshqa institutlarini isloh qilishni keng muhokama qilish niyatidamiz”, deydi u.

Ma’lumot o‘rnida, joriy yilning mart oyida Yaponiya Bosh vaziri Fumio Kisida Rossiyaning harakatlari tufayli BMT Xavfsizlik kengashini isloh qilishni taklif qilgan edi. Amerika tomoni Rossiya delegatlari islohotlar bo‘yicha takliflar kiritmoqchi bo‘lsa, AQSH vizalarini olishlari kerakligini aytgan. Biroq 56 nafar rossiyalik diplomatning hech biri hozircha viza olmagan.

Farangiz Salimova