“Barselona” o‘tgan yilning oktyabr oyidan buyon mag‘lubiyat nimaligini bilmayapti

17 fevral kuni Yevropa ligasi pley-off o‘yinida “Barselona” Angliyaning “Manchester Yunayted” jamoasiga qarshi bahs olib bordi va uchrashuv 2:2 hisobida yakunlandi. Shunday qilib “Barselona”ning mag‘lubiyatsiz seriyasi 17 ta o‘yinga yetdi. Bu haqda “Opta” nashri xabar berdi.

Kataloniya klubi so‘nggi marta 2022 yilning 26 oktyabr kuni Yevropa Chempionlar ligasi doirasida “Bavariya”ga qarshi bahsda yutqazgandi (0:3). O‘sha o‘yindan beri hozirgacha “ko‘k-anorranglilar” 15 ta g‘alaba va 2 ta durang qayd etdi. 

“Barselona” navbatdagi o‘yinini 19 fevral kuni La Liga doirasida “Kadis”ga qarshi o‘tkazadi. MYUga qarshi Yevropa ligasi javob o‘yini esa 24 fevral kuni bo‘lib o‘tadi.

Eslatib o‘tamiz, avvalroq “Barselona”-MYU bahsi Yevropa ligasi rekordini yangilagani xabar qilingandi. Ushbu o‘yinni tomosha qilish uchun “Kamp Nou” stadioniga 90 mingdan ortiq muxlis yig‘ilgandi.