“Barselona” o‘ng qanot himoyasi uchun yangi nomzod topdi

Ispaniyaning “Jirona” klubi himoyachisi Arnau Martines faoliyatini La Liganing top-klubida davom ettirishi mumkin. Kataloniyaning “Barselona”si iqtidorli futbolchining transferiga qiziqish bildirmoqda. “Ko‘k-anorranglilar” Martinesni o‘ng qanot himoyasi uchun munosib nomzod deb hisoblamoqda. Bu haqda “Goal” nashri xabar berdi.

Futbolchining o‘zi ham “Barsa”ga bo‘lgan his-tuyg‘ularini yashirmadi.

“ “Barsa”da o‘ynash men uchun orzu bo‘lgan. Ammo bu transfer keyingi yozgacha amalga oshirilmaydi, chunki “Barsa” birinchi navbatda kim klubdan ketishini aniqlab olishi kerak”, dedi futbolchi “Diario Sport” nashriga.

19 yoshli Arnau joriy mavsum “Jirona” safida 10 ta o‘yinda maydonga tushib, 2 ta gol urishga muvaffaq bo‘ldi. Futbolchining amaldagi shartnomasi 2025 yilning o‘rtalariga qadar tuzilgan va uning transfer narxi to‘qqiz million yevroga baholanmoqda.

Mushtariy G‘aniyeva