Banklarda oltin yombilarini sotish boshlanadi
Jamiyat
−
11 Sentabr 2020 8755 1 daqiqa
Tez orada banklarda oltin yombilari sotuvi yo‘lga qo‘yilishi mumkin. Bu haqda Markaziy bank raisi Mamarizo Nurmurotov bank Boshqaruvining navbatdagi yig‘ilishi yakunlariga bag‘ishlangan matbuot anjumanida ma’lum qilgan.
Bank raisining aytishicha, ishlab chiqarilgan oltin va kumush tangalar sotib tugatilgan. Buning ustida ishlar olib borilmoqda. Maqsad faqat tangani chiqarish bilan cheklanib qolish emas, balki uning tematikasi, dizayni, numizmatik ahamiyatini ham oshirishdir.
“Agar hozir tangalar bir xil hajmda bo‘lsa, kelgusida ularning hajmi ham har xil bo‘ladi. Bu jarayon davom etadi. Bundan tashqari, yaqinda banklar orqali oltin yombilarini sotish ham yo‘lga qo‘yiladi. Bu borada hozirda ish olib borilmoqda”, dedi Mamarizo Nurmurotov.
Eslatib o‘tamiz, kecha, 10 sentyabr kuni Markaziy bank asosiy stavka hajmini 14 foizga pasaytirgan edi.
Ahrorbek Hayrullayev
Live
Barchasi
