Atamboyevning o‘g‘liga nima bo‘ldi?

Qirg‘iziston Respublikasi sobiq Prezidenti  Almazbek Atamboyevning kichik o‘g‘li Qodir Atamboyev bugun, 15-sentyabr kuni Bishkekning markaziy ko‘chalarida bo‘lib o‘tgan “Qor barsini saqlab qolamiz” shiori ostida o‘tkazilgan marafonda yugurish paytida o‘zini yomon his qildi, deya yozmoqda “Kaktus Media”. 

Qodir Atamboyev marafonning dastlabki bosqichida tobi qochganini his qildi, shundan so‘ng Ala-Too maydonidagi "Ishga tushirish / tugatish" punktiga qaytib keldi. 

Qodirning so‘zlariga ko‘ra, u o‘zini biroz yomon his qildi, chunki isinmasdan yugurishni boshlagan. Shu bilan birga, kichik Atamboyev ilgari yugurish bilan shug‘ullanmaganini qo‘shimcha qildi.

Eslatib o‘tamiz, shu yilning 15 avgust kuni Qirg‘izistonning hibsga olingan sobiq Prezidenti Almazbek Atamboyevning kichik o‘g‘li Qodir Atamboyev otasining tarafdorlari va maxsus topshiriqlar bo‘linmasi o‘rtasidagi to‘qnashuvni rejalashtirilgan tashviqot deya, baholagandi.