“Arqadag‘” O‘zbekistonga qachon kelishi aniq bo‘ldi
Jamiyat
−
02 Oktabr 2021 6362
Joriy yilning 4-5 oktyabr kunlari Turkmaniston Prezidenti Gurbanguli Berdimuhamedov rasmiy tashrif bilan O‘zbekistonda bo‘ladi. Turkmaniston davlat teleradiokompaniyasi bu haqda Vazirlar Mahkamasining navbatdagi yig‘ilishida aytildi, deb xabar berdi.
Vazirlar Mahkamasi raisi o‘rinbosari – Tashqi ishlar vaziri Rashid Meredov tayyorgarlik jarayoni haqida ma’lumot bergan.
Gurbanguli Berdimuhamedov ikki qo‘shni davlatning barcha jabhalarda samarali munosabatlarni yanada rivojlantirishga bo‘lgan e’tiborini mamnuniyat bilan qayd etib, hukumat raisi o‘rinbosari va Tashqi ishlar vaziriga bo‘lajak rasmiy tashrifiga yuqori tashkiliy tayyorgarlikni ta’minlash bo‘yicha topshiriq berdi.
Tashrif davomida yuqori darajadagi turli tadbirlar, xususan, turkman-o‘zbek iqtisodiy forumi o‘tkazilishi rejalashtirilgan.
Live
Barchasi