Andijonda 2 ta, Farg‘onada 1 ta tumanda IIB boshlig‘i o‘zgardi

O‘zbekiston Respublikasi Ichki ishlar vazirining shaxsiy tarkib bo‘yicha buyrug‘i bilan lavozim tayinlovi amalga oshirildi. Bu haqda IIV Matbuot xizmati xabar bermoqda.

Podpolkovnik Maxsudov Farxodbek Turg‘unboyevich Andijon viloyati Andijon tumani IIB boshlig‘i lavozimiga tayinlandi.

Tayinlovga qadar Farxodbek Maxsudov Andijon viloyati IIB huzuridagi Tergov boshqarmasi boshlig‘ining birinchi o‘rinbosari lavozimida faoliyat yuritgan.

Podpolkovnik Alimov G‘olibjon Ubaydullayevich Andijon viloyati Jalaquduq tumani IIB boshlig‘i lavozimiga tayinlandi.

G‘olibjon Alimov tayinlovga qadar Andijon viloyati IIB Jinoyat qidiruv boshqarmasi, uyushgan jinoyatchilikka va qurol bilan qonunga xilof ravishda muomala qilishga qarshi kurashish bo‘limi boshlig‘i lavozimida faoliyat yuritgan.

Podpolkovnik Qunduzov Murodjon Abdumutalib o‘g‘li Farg‘ona viloyati Oltiariq tumani IIB boshlig‘i lavozimiga tayinlandi.

Tayinlovga qadar Murodjon Qunduzov IIV O‘z xavfsizligi boshqarmasi Farg‘ona viloyati bo‘yicha bo‘limi o‘ta muhim ishlar bo‘yicha tezkor vakili lavozimida faoliyat yuritgan.