Amerikalik bokschi akasi tomonidan otib o‘ldirildi
Sport
−
22 Sentabr 2022 11766
Amerikalik professional bokschi Isayya Jons akasi tomonidan otib o‘ldirildi. Bu haqda “The Ring” nashri Jonsning sobiq murabbiyi Roshon Jonsga tayanib xabar bermoqda.
Roshonning so‘zlariga ko‘ra, bokschi va uning akasi o‘rtasida janjal yuzaga kelgan. Shundan so‘ng, akasi Jonsga o‘q uzgan.
Detroyt politsiya departamenti 28 yoshli bokschining qarindoshi tomonidan otib o‘ldirilganini tasdiqlagan. Biroq hozircha voqea haqida boshqa tafsilotlar ma’lum emas.
Ma’lumot uchun, Isayya Jons professional faoliyati davomida 16 ta jang o‘tkazib, 9 ta g‘alaba va 7 ta mag‘lubiyat qayd etgan. U uchta jangda nokaut bilan g‘alaba qozongan. Jons professional faoliyatini 2016 yilda boshlagan va Roshon Jons qo‘l ostida dastlabki sakkizta jangda g‘alaba qozongan. Biroq boshqa murabbiyga o‘tganidan so‘ng keyingi sakkizta jangning yettitasida mag‘lub bo‘lgan.
Live
Barchasi