Alisher Usmonov oltin bozoriga kirib kelyapti

Rossiyalik milliarder Alisher Usmonov xoldingi va hamkorlari USM Gold kompaniyasiga asos soldi. Mutaxassislar oltin bozorida yangi yirik o‘yinchi paydo bo‘lishini istisno qilmayapti. Bu haqda RBK ma’lum qildi.

USERLE (Yuridik shaxslarning yagona davlat reyestri) ma’lumotlariga ko‘ra, Alisher Usmonov va Vladimir Skochga (deputat Andrey Skochning otasi) tegishli USM xolding USM Gold’ni 2021 yil noyabr oyi oxirida ro‘yxatdan o‘tkazgan.

Yangi USM tarkibiga Rossiyadagi eng yirik temir rudasi ishlab chiqaruvchi “Metalloinvest” va Trans-Baykal o‘lkasidagi Udokan mis konini o‘zlashtirayotgan “Udokanskaya Med” kiradi. Xolding ilgari oltin qazib olish bilan shug‘ullanmagan.

Hozircha yangi kompaniyaning yagona aktivi - bu geologiya-razvedka ishlari uchun litsenziyaga ega “Fedorovskoye” MCHJ (USM GOLD 75 foizga ega, yana 25 foiz “Rosgeologiya” davlat xoldingiga tegishli). “Rosgeologiya” 2021 yil yozida Xakasiyadagi Fedorovsko-Kedrovskaya oltin qazib olish hududi uchun geologiya-qidiruv litsenziyasini olgan va USM tuzilmasini ushbu loyihaga jalb qilgan.

“Rosgeologiya” uchun tog‘-kon kompaniyalari bilan bunday qo‘shma korxonalar odatiy amaliyot. So‘nggi paytlarda davlat kompaniyasi “Polyus”, “Polymetall”, “Seligdar” va boshqa bir qancha kompaniyalar bilan shunday loyihalarni yaratgan. Ammo, Usmonov ushbu juda kamtarona loyiha uchun yangi tuzilma yaratgan bo‘lishi dargumon. Katta ehtimol bilan, biz undan oltin sanoatida yanada jiddiy qadamlar kutishimiz kerak”, deydi Geotexnologiyalar institutining rivojlanish direktori Mixail Leskov.

NRA reyting xizmati boshqaruvchi direktori Sergey Grishuninga ko‘ra, sarmoyadorlarning oltin aktivlarini sotib olishga bo‘lgan qiziqishi ortib borayotgani bozordagi valyuta xatarlarining kuchayib borayotganini aks ettiradi. 

“Tovarlar narxi ko‘tarilganda, oltin odatda ko‘tarilmaydi, lekin tovarlar narxi pasayganda, oltin shunchaki ko‘tariladi. U dunyodagi inflyatsiyaning yaqinlashib kelayotgan to‘lqini fonida bebaho aktiv bo‘lib qolmoqda, shuning uchun oltin qazib olish biznesini sotib olish mudofaa strategiyasiga o‘xshaydi”, deydi ekspert.

Mixail Leskovning ta’kidlashicha, USM Gold nafaqat oltin aktivlarini potensial sotib olish uchun, balki qazib olingan oltin operatsiyalari uchun ham tashkil etilgan.