Alek Bolduin otib qo‘ygan operatorning eri aktyorni sudga berdi

“Rust” (“Zang”) filmini suratga olish vaqtida tasodifiy o‘qdan halok bo‘lgan operator Galina Xatchinsning turmush o‘rtog‘i kinokompaniyalar, prodyuserlar va suratga olish guruhi a’zolarini yaratishda ishtirok etgan aktyor Alek Bolduin ustidan sudga murojaat qildi.

Nyu-York shtati okrug sudiga kiritilgan da’voda ayblanuvchi Bolduin va bu ish bo‘yicha boshqa ayblanuvchilar “Rust” filmini tasvirga olishda haqiqiy quroldan foydalanishda asosiy xavfsizlik qoidalariga rioya qilmaganlar, bu halokatli oqibatlarga olib keldi, deyiladi.

Da’vogarning so‘zlariga ko‘ra, agar ular xavfsizlik qoidalari buzilganligi haqidagi shikoyatlarni e’tiborsiz qoldirishmaganida, sudlanuvchilar Xatchinsning o‘limini oldini olishlari mumkin edi.

“Galina Xatchins yashashga loyiq edi va sudlanuvchilar, agar ular inson hayoti xavf ostida qoldiradigan xavfsizlik tartib-qoidalarini e’tiborsiz qoldirish o‘rniga, suratga olish maydonchasidagi har bir insonning xavfsizligini himoya qilish burchini muqaddas deb bilganlarida, uning o‘limini oldini olishi mumkin edi”, deyiladi hujjatda.

Eslatib o‘tamiz, Gollivud aktyori Alek Bolduin Nyu-Meksiko shtatidagi Santa-Fe shahri yaqinida bo‘lib o‘tayotgan vestern janridagi "Rust" ("Zang") filmini suratga olish jarayonida tasodifan operator Galina Xatchins va rejissyor Joel Sousni otib qo‘ygandi. Oqibatda 42 yoshda bo‘lgan Galina Xatchins olgan jarohatlaridan vafot etgan, 48 yoshli Joel Sous esa shifoxonaga yotqizilgandi. 

Keyinchalik, Bolduin Galina Xatchinsning hayotiga zomin bo‘lgan voqeani tergov qilishda politsiya bilan to‘liq hamkorlik qilayotganini ma’lum qildi. U, shuningdek marhumning oilasi bilan aloqada ekanini va ularga yordam berishini aytdi.