AQSHdagi bo‘ron oqibatida 20 dan ortiq kishi halok bo‘ldi (video)

Amerika Qo‘shma Shtatlarida sodir bo‘lgan qishki bo‘ron oqibatida 23 kishi halok bo‘ldi. Bu haqda NBC telekanali xabar berdi. 

Qayd etilishicha, 24 dekabrga qadar Viskonsin, Kanzas, Kentukki, Kolorado, Missuri, Michigan, Nebraska, Nyu-York, Ogayo, Oklaxoma va Tennessi shtatlarida 23 kishi qurbon bo‘lgan.

O‘lim holatlarining aksariyati muzli yoki qorli yo‘llardagi yo‘l-transport hodisalari bilan bog‘liq. Michigan shtatida qariyalar uyi yonida qor ostidan topilgan 82 yoshli qariya vafot etgan. Ayol shifoxonaga olib ketilgan, biroq shifokorlar uni qutqara olmagan.

1,6 milliondan ortiq uy xo‘jaliklari elektr ta’minotisiz qolgan, ularning aksariyati AQSHning sharqiy sohilida. AQSHning ko‘plab shtatlarida favqulodda holat e’lon qilingan.

“FlightAware” saytiga ko‘ra, 23 dekabr kuni deyarli 6000 ta, 24 dekabrda esa 3000 ga yaqin reys bekor qilingan.

AQSH ob-havo xizmati hozirgi yomon ob-havoni “tarixiy” deb atagan. Ayrim joylarda havo harorati -48 darajagacha pasaygan.